我開始好後悔搬呢間屋0個時, 我唔整個廚房, 自從冇得番屋企食飯, 我就成日煮飯, 依家仲每個星期五都叫朋友上我屋企整甜品添啦, 所以變左個廚房越黎越唔夠用...

話說我上次因為整馬蹄糕唔記得睇火, 所以我心愛0既鑊就咁比我攪彎左, 0個隻鑊唔係咁易買, 所以我咪唸住問下其他人有咩好鑊介紹, 之後我有個舊同學話天上野隻鑊好, 咁我咪去JUSCO度睇下, 有個師奶帶左幾個人黎, 佢話佢0岩0岩買左一隻, 覺得好用, 所以就帶埋0的朋友黎買LA, 咁人地講都唔好信0既, 所以我就叫個SALES比我落手炒, 因為落手炒先係最實際, 果然都OK, 所以我就買左佢番屋企, 不過個鑊都唔平, 成五百幾蚊, 我都幾肉痛啦....

咁大家都知我呢排愛上左整甜品, 不過只限於中式甜品, 上星期五, 我又叫左我班FD黎我屋企整甜品, 今次就整馬拉糕, 馬豆糕同埋紅豆椰汁糕, 基本上三樣野都好成功, 第一底馬拉糕仲整得好靚添, 但唔知點解第二底就唔靚, 都唔明點解, 之後整左好多, 基本上其實我整完都唔會食太多, 我係享受整0個個過程, 所以之後我就叫晶佬擰番去比佢0的同事食, 佢公司多人嘛, 而且佢0的同事成日請晶佬食野, 我當回禮啦...

其實我0的朋友好想整西式甜品0既, 不過一來我成日覺得西式甜品0的料好貴之外, 同埋我屋企冇焗爐, 其實我一路都好想買焗爐, 不過晶佬唔比, 佢話廚房冇咩位喎, 但我地0個日去JUSCO, 原來買滿1000蚊可以平0的買到一個焗爐, 所以晶佬就比我買LA, 買左番屋企鬼咁開心, 我已經約定我班朋友下星期五再黎我屋企, 今次整曲奇餅呢...

星期日我同屋企人去左燒野食, 我家姐同姐夫好鐘意帶兩個仔去戶外地方, 所以趁依家涼涼地咪去燒野食囉, 而且依家0的燒烤場除左燒烤仲有好多比小朋友玩0既設施, 但今次呢個場0的食物唔好食, 但朗朗同細佬賢就玩得好開心囉, 其實除左我屋企人之外, 我朋友一家同埋我表姐一家都有一齊去, 我表姐個細囡得買個月, 可愛到不得了, 係我最鐘意0既BB樣, 頭髮多, 肥0都0都, 仲要係女仔, 所以我0個日抱到唔捨得放手啦...